1. ఓం నమఃశివాయ

 ఓం నమఃశివాయ



*ఈశ్వరా...... ప్రాణేశ్వరా.

• దివిజ గంగాధరా.

• పంచభూత సమ్మిళిత రూపా...

  సమస్త జీవ ఆత్మాశ్రయా.

• మాయను మాపే మాహర్షి...

   జ్ఞానం నింపే సద్గురువా.

• శ్మశానమే ఆవాస మంటావు...

   భస్మమే జీవం అంటావు.


• ఈశ్వరా...... ఓంకారరూపేశ్వరా.

• త్రిలోకం.... త్రిగుణం.....త్రినేత్రాధి నేతనంటావు...

   త్రిశూలంతో రక్షణ నిస్తావు.


• ధ్యానమే ధ్యాసంటావు...

  ధ్యానంలో దర్శనమిస్తావు.

• ధ్యానేంద్రా........ఓ యోగీంద్రా.


• కంఠంలోని గరళంతో కరుణిస్తావు...

  సిగలోని చంద్రుడితో శాంతి నిస్తావు.

• నీలకంఠేశ్వరా....ఓ అర్ధ నారీశ్వరా..


• నీ కంటి భాష్పాలే అక్షతలయ్యాయి...             రుద్రాక్షలయ్యాయి.

• ఈశ్వరా..... ఓ రుద్రేశ్వరా.


• ఢం ఢం ఢం ఢమరుకమే శక్తి నాదమంటావు...

  లయ తప్పని శృతికి నటరాజువి.

• ఈశ్వరా..... ఓ చిదంబరేశ్వరా.


• శరణు కోరిన జీవికి బోళాశంకరుడివి.....

   శరణు తప్పిన పాపికి సంకట హరుడివి.

• ఓ శంకరా...బోళా శంకరా.

• ఆడుకుంటావు మాతో.....

  ఆటాడుకుంటావు.

  మా తత్వము నెరుగు శక్తి మాకు లేక...

   నీ తత్వము నెట్లు తెలుసుకోగలమయ్యా.


• ఈశ్వరా.....ఓ జ్ఞానేశ్వరా.

• తెరిపించ వయ్యా మా మనోనేత్రం...

   మరిపించ వయ్యా మా మూర్ఖత్వం.


యడ్ల శ్రీనివాసరావు. 24 June 2020 5:00 am

Comments

Post a Comment

Popular posts from this blog

2. ఓం నమఃశివాయ... ఉన్నాడు లే.. ఒకడున్నాడు లే

Image
   ఓం నమఃశివాయ... ఉన్నాడు లే ... ఒకడున్నాడు లే. *ఉన్నాడు లే...   యుగమొక క్షణమును చేసే యోగి...   ఒకడున్నాడులే. • జగమున జనముకు రక్షకుడై ఉన్నాడులే…    పరిరక్షకుడై యున్నాడులే. • నట నాట్యం తో తాండవమెత్తి….   ప్రక్రుతి పాలకుడై యున్నాడులే....   ఒకడున్నాడు లే. • తేటతెల్లమైన మేని విభూది తో....   స్థితప్రజ్ఞడై.....శాంతి కాముకుడై....   థ్యానముద్రకు ప్రతీకుడై యున్నాడులే. • సుందర మనోహర...   చిద్విలాస చిదానందుడి...   కనుపాప బాష్పమునైన ధన్యం…   నా ఈ జన్మ ధన్యం. • ఓం నమఃశివాయ…. శివాయ నమః  ఓం. యడ్ల శ్రీనివాసరావు  5 July 7:00 am.
Read more

4. అమ్మకు వందనాలు

Image
 అమ్మకు వందనాలు * అమ్మలను కన్న మా అమ్మ ఆనంద రూపిణీ. • అండ పిండ బ్రహ్మాండమ్ముల క్షేత్ర స్వరూపిణి. • సృష్టి కి మూలం నీవు. • ప్రతిసృష్టి కి మూలం నీవు. • ప్రకృతిలోని పులకరింతలు...    నీ పరవశానికి  ప్రతిరూపాలు...జగత్ జననీ. • నిర్జీవాని కి జీవం పోసే వసుధరణివి. • జీవాన్ని నిర్జీవం చేసే శత్రు సంహారి కాళికవి. • శక్తికి బీజమైన భైరవి...   నీ దేహమంత ఈ విశ్వంలో...   అణువంత భాగ్యులం తల్లీ. • క్షేత్రమున కానరాని దేదమ్మ నీ కంటికి. • ప్రేమను పంచే పరమేశ్వరి....   కరుణను చూపే కాదంబరి....   లాలించే నీలాంబరి. • నీ ఆగ్రహానికి భీతిల్లే నీ బిడ్డలం...   నీ అనుగ్రహం తోనే ఊపిరి పోసుకున్నాం... • మూర్ఖత్వంతో ముదిరిన మా మస్తిష్కాలకి...   నీ మననం తో మురిపించు తల్లీ...   ఓ జ్ఞాన ధాత్రి.  🙏🙏 క్షేత్రము = సమస్తము, విశ్వము, శరీరము. మస్తిష్కము = మెదడు మననం = జపించుట, ధ్యానం, పదే పదే తలచుట. YSR 09 May 21 3:00 pm.
Read more

5. ఆట ఎవరికి ఎరుక

Image
  ఆట ఎవరికి ఎరుక * ఆట ఎవరికెరుక...    ఆడే ఆట ఎవరికెరుక ముక్కంటి...    ఓ ముక్కంటి. • మనసులకు మాయ కలిగిస్తావు...   దుఃఖంతో భ్రమలు తొలగిస్తావు…   ఆట ఎవరికెరుక....నీవు ఆడే ఆట ఎవరికెరుక. • మోహం కలిగిస్తావు...    వ్యామోహం కలిపిస్తావు...    తుదకు అంతా మాయేనంటావు. • నీ రాతలో శిలలెందరో.....శిల్పాలెందరో. • కనులు మూసి కదం తొక్కుతూ...   పాపపుణ్యాల లెక్కలు కడతావే...   ఆట ఎవరికెరుక...నీవు ఆడే ఆట ఎవరికెరుక. • ఎవరికి ఎవరు ఏమవుతారో...           బంధువులెవరో…రా బంధులు ఎవరో. • బంధాలతో బంధీలను చేసి....   కొందరిని బలవంతులుగా....  మరికొందరిని బలహీనులుగా....  మారుస్తావెందుకో....నీ ఆట ఎవరికెరుక శివా... • ఆశలతో అందలమెక్కిస్తావు...   ఆనందంలోనే అన్నీ ఆవిరి చేసెస్తావు. • నీరును సృష్టించి జీవం పోశావు...   కన్నీరును సృష్టించి జీవం తీస్తావు. • మా లో ఉంటావు...మహిమలు   చేస్తావు....మోక్షాన్నిస్తావు. • చావు పుట్టుకల నడుమ...   ఆట బొమ్మలతో నీవు...   ఆడించెడి ఆట ఎవరికెరుక. • లయ తప్పని నట...
Read more